புதினா காம்பு, இஞ்சி தோல் டீ

Loading...
Description:

புதினா காம்பு, இஞ்சி தோல் டீ
டீ யை பல விதமாக தயாரிக்கலாம்,என் ஹஸும், கணவருக்கும் டீ நல்ல இருக்கனும், தலைவலி, ஜலதோஷம்,இருமல், சளி எல்லாத்துக்குமே இவர்கள் இருவருக்கும் என் வித வித மான டீ தான்.

இது வரை நான் தயாரித்த டீ வகைகள்.

இஞ்சி டீ
ஏலக்காய் டீ
இஞ்சி ஏலக்காய் டீ
மிளகு கிராம்பு டீ
சாப்ரான் (குங்குமப் பூ டீ)
புதினா டீ
மசாலா டீ
கரம் மசாலா டீ
பட்டை டீ
நன்னாரி டீ
பிளாக் டீ வித் சாப்ரான்
சுக்கு டீ
துளசி டீ
புதினா, ஏலம் , மிளகு , கிராம்பு,சுக்கு,பன்ங்கற்கண்டி எல்லாம் பொடித்து வைத்து போடு டீ
இஞ்சி தோல் மற்றும் புதினா காம்பு டீ

புதினாவை ஆய்ந்து காம்பை அரிந்துமண் கழுவவும்.

இஞ்சி நன்கு மண்ணில்லாமல் கழுவி தோல் சீவி எடுக்கவும்

இஞ்சி தோல் மற்றும், புதினா காம்பை வெயிலில் நன்கு காய வைக்கவும்.


காய்ந்ததும் ஏலக்காய் சேர்த்து ஒன்றும பாதியுமாய் பொடிக்கவும்.
ஸ்டெப் – 1
தேவையானவை

தண்ணீர் – இரண்டு டம்ளர்
பால் பவுடர் – ஐந்து ஸ்பூன்
டீ பவுடர் – ஒரு தேக்கரண்டி
சர்க்கரை – முன்று ஸ்பூன் (தேவைக்கு)
பொடித்த புதினா,இஞ்சி பொடி,ஏலக்காய் – ஒரு ஸ்பூன்

செய்முறை

1. தண்ணீரில் பால் பவுடர், டீ தூள் கலக்கி கொதிக்க விடவும்

2. கொதிக்க ஆரம்பிக்கும்ோது ஒரு ஸ்பூன் பொடித்த (இஞ்சி தோல், புதினா,ஏலக்காய் ) பொடியை போட்டு கொதிக்க விட்டு ரங்கு (டீ காஷன் ) இரங்கியதும் சர்கக்ரை சேர்த்து வடிக்கவும்.

ஸ்டெப் – 2

பால் – ஒரு டம்ளர்
தண்ணீர் – ஒன்னே கால் டம்ளர்
இஞ்சி தோல் , புதினா பொடி – ஒரு ஸ்பூன்
டீ பவுடர் – ஒரு ஸ்பூன்
சர்க்கரை – 3 லிருந்து 4 ஸ்பூன் ( அவரவர் ருசிக்கு)

செய்முறை

தண்ணீரில் , பொடி, டீ பவுடர் சேர்த்து நன்கு கொதிக்க விடவும்.
கொதிக்கும் போது சிறிது தண்ணீர் வற்றும் அதற்கு தான் கால் டம்ளர் தண்ணீர் அதிகமாக சொல்லி இருக்கேன்.
கொதித்ததும், டீகாஷன் நன்கு இரங்கியதும் வடித்து காய்ச்சிய சூடான பாலை சேர்த்து தேவைக்கும் சர்க்கரை போட்டு கலக்கி குடிக்கவும்.

ஸ்டெப் – 3

பிளாக் டீ போல் என்று குடிப்ப தாக இருந்தால் இரண்டு டம்ளருக்கு டீ பவுடர் அரை ஸ்பூன் போதும் . பால் தேவையில்லை.

/லோ பிரெஷர் மற்றும் மயக்கம் உள்ளவர்களுக்கு புத்துணர்வு தரும் டீ, சுவைத்து மகிழுங்கள். //

இதை அடிக்கடி பயன் படுத்தி பயனடைந்துள்ளோம்.

 

டீ பல விதமாக தயாரிப்பது என் பழக்கம் , அதில் இஞ்சி தோல் , புதினா காம்பு (சமையலில் 50 வருட அனுபவம் உள்ள என் மாமியார் செய்வது)

பால் பவுடவில் போட்டா திரிந்து போகாதா? இங்கு வந்ததிலிருந்து பால் பவுடரில் தான் இது வரை டீ போடுகிறேன், பிரஷ் மில்க் வாங்கினால் 5 நாளில் காலி பண்ணனும் ஆகையால் ஒரு பெரிய டின் வாங்கி வைத்து விடுவது.

திரிந்து போகாது/

ஏன் திரியும் என்றால் , குழம்பு கரண்டி அல்லது டீ கெட்ட்டிலில் காரம் பட்டிருந்தால் திரியும் , பாத்திரத்தை சரியா கழுவவில்லை என்றாலும் திரியும்.

ஒரு நாளை 6 முறை தயாரிக்கிறேன், ஆனால் ஒரே மாதிரி குடிக்க பிடிக்காத தால் இப்படி முயற்சித்தது.

இப்ப தான் 6 லிருந்து 4 ஆகாக குறைத்து இருக்கேன்.

//எங்க அம்மா வீட்டிலும் வரும் வேலைக்காரிக்கு கூட சுறு சுறுப்ப்பா வேலை செய்யனும், அவள் தண்ணீயில் நின்று சாமான் கழுவுறா,வீடு துடைக்கிறா அவளுக்கு சளீ பிடிக்க கூடாதுன்னு அவள் வந்ததும் முதல் வேலை என் அம்மா அவளை உட்கார வைத்து ஒரு பெரிய டம்ளர் நிறைய டீ யை ஊற்றி கொடுத்து அவளை குடிக்க சொல்லி பிறகு தான் வேலை ஆரம்பிக்க சொல்லுவாங்க. .//

Post a Comment