கோதுமை தோசை,tamil samayal kurippugal,tamil samayal kurippu free

Loading...
Description:

கோதுமை தோசை

தேவையானவை: கோதுமை மாவு – 1 கப், வெள்ளை ரவை – 4 டீஸ்பூன், பச்சரிசி மாவு – 3 டீஸ்பூன், உப்பு – தேவைக்கேற்ப, எண்ணெய் – தேவையான அளவு, சின்ன வெங்காயம் – 10, பச்சை மிளகாய் – 2, மல்லித்தழை – 4, கேரட் – 1, சீரகம் – அரை டீஸ்பூன், கெட்டி மோர் – கால் டம்ளர்.
செய்முறை: ரவையை மூழ்கும் அளவு தண்ணீர் விட்டு ஊற வைக்கவும். வெங்காயத்தையும் மல்லித்தழையையும் பொடியாகவும் பச்சை மிளகாயை சிறு வளையங்களாகவும் நறுக்கிக் கொள்ளவும். கேரட்டை கழுவி, துருவிக்கொள்ளவும். கோதுமை மாவு, உப்பு, சீரகம், பச்சரிசி மாவு, ஊறிய ரவை, மோர் மற்றும் தண்ணீர் சேர்த்து சாதா தோசை மாவை விட சற்று தளர்வாக கரைத்துக் கொள்ளவும். அதில் நறுக்கிய வெங்காயம், பச்சை மிளகாய், மல்லித்தழை சேர்த்து கலக்கவும். சூடாக இருக்கும் தோசைக்கல்லில், ஒரு கிண்ணத்தால் மாவை எடுத்து அள்ளித் தெளித்த மாதிரி தோசையை ஊற்றி அதன் மேல் துருவிய கேரட்டை தூவவும். கரண்டியால் அதை அழுத்திவிட்டு சுற்றி வர எண்ணெய் விட்டு மூடி, வெந்ததும் தோசையை திருப்பி மறுபுறம் எண்ணெய் விட்டு மொறுமொறுவென வெந்ததும் எடுத்து விடவும். இதற்கு வரமிளகாய், பூண்டு சட்னி மேலும் சுவையைக் கொடுக்கும்.

Post a Comment